1783 වසරේදී ඔහු කැරොලයින්ටද වෙනමම දුරේක්‍ෂටයක් ලබා දෙමින් ඇයට ස්වාධීනව නිරීක්‍ෂණ කටයුතු කිරීමට මං සලසා දුනි. ඇය වල්ගා තරු පිළිබඳ සොයා බැලුවේ එම දුරේක්‍ෂෙයනි. ඇය සිය ජීවිත කාලයම විලියම්ට සහයක ලෙස ඔහුගේ නිරීක්‍ෂණයන් සටහන් කරමින් උන්නාය. 1788 වසරේදී විලියම් විසින් වැන්දඹුවක් වන මෙරියිට් විවාහ කරගන්නා තුරුම මේ සහෝදර සහෝදරී එක්ව කටයුතු කලේය. විලියම්ගේ පසු කාලීන සොයා ගැනීම් අතර සෙනසුරුගේ උපග්‍රහයින් දෙදෙනෙකු වූ මීමාස් (MIMAS) සහ එන්සෙලඩස් (ENSELADES)ද, යුරේනස්ගේ උපග්‍රහයින් දෙදෙනෙකු වන ටයිටේනියා (TITANIA) සහ ඔබරන් (OBAREN) ද වේ.
නිහාරිකා සොයාගැනීම, ද්විත්ව තාරකා හඳුනාගැනීම ඔහුගේ නිරීක්‍ෂණ අතර විය. විශ්වය තුල සෞරග්‍රහ මණ්ඩලය චලනය වන බව පැවසූ ප්‍රථමයාද විලියම් හර්ෂල්ය. ප්‍රිස්මයන් තුලින් සූර්යයාලෝකය ගමන් කරවා වර්ණාවලියේ රතු අන්තයට උෂ්ණත්වමානයක් තබමින් එහි උෂ්ණත්වය වෙනස්වීම දුටු විලියම් අධෝරක්ත විකිරණය ලොවට හඳුන්වා දුන්නේය.
විලියම් හා මේරි හට එක් පුතෙකු උපන්නේය. පසුකාලීනව තාරකා විද්‍යඥයෙකු බවට පත්වූ විලියම් උපත ලබා ඇත්තේ විලියම් හර්ෂල්ගේ නිරීක්‍ෂණාගාරය තුලදීය. 1816 වර්ෂයේදී ශ්‍රීමත් යන නාමයෙන් පිදුම් ලද විලියම් හර්ෂල් ලන්ඩන් තාරකා විද්‍යා සංගමය බ්‍රිතාන්‍ය තාරකා විද්‍යා සංගමය ලෙස නම් කිරීමට අඩිතාලම දැමූ අයෙකි. 1822 අගෝස්තු 25 වන දින ඔහුගේ නිරීක්‍ෂනාගාරයේදීම මිය ගියේය. විශ්වයේ දැනට හඳුනාගෙන ඇති විශාලතම තාරකා දෙකෙන් එකක් හර්ෂල්ගේ ගානට් තාරකාව ලෙසද, හඳේ ආවාටයක්, අඟහරුගේ ද්‍රෝනියක්, මීමාස් උපග්‍රහයාගේ ආවාටයක්ද, වල්ගා තරුවක්ද හර්ෂල්ගේ ඇවෑමෙන් පසු ඔහුගේ නමින් නම් කෙරුණි.
ලිපිය සකස් කර අපි දන්න අපේ කලාව වෙත ලබා දුන් අම්පාර පොලීසියේ සේවය කරන එච්. ආර්. අනුර බණ්ඩාර මහත්මයාට ස්තූති වන්ත වෙමි.
No comments:
Post a Comment